訂婚戒指嘅款式有好多唔同種類，要㨂出最適合自己嘅款式都真係需要做唔少research。 今次㨂咗3個比較有特色嘅戒指設計，俾大家參考： 1/ 異色主石 愈嚟愈多準新娘接受咗訂婚戒指唔一定要用鑽石呢個觀念，亦因為咁樣，使用異色主石嘅訂婚戒指正逐漸成為其中一個最大嘅戒指潮流。雖然好多寶石嘅堅硬同耐久程度都比唔上鑽石，但你都可以選擇莫氏硬度較高嘅寶石，例如係藍寶石或者托帕石。 2/ 四臂設計 四臂設計嘅戒指揉合咗堆疊戒指同負空間嘅概念，亦都能夠為戒指帶嚟特色。呢個設計更經常會被用於三石款式嘅戒指，營造層次感。 3/ 粗身戒臂 近年嘅訂婚戒指款式絕大部分都係以幼身戒臂為主。正因為咁，最近都開始有人選擇比較粗身嘅戒臂，除咗突顯個人風格之外，亦係一個增強戒指耐久度嘅方法，令戒指更適合日常佩戴。 立即點擊以下按鈕！索取MONI獨家優惠及最新消息。
根據婚禮傳統，除咗用作求婚嘅單頭石戒指之外，新郎新娘仲會喺婚禮上交換一對戒指，而呢對戒指通常都會係全圈款式。但係全圈戒指有咁多唔同種類，點先㨂到自己同另一半都鍾意嘅款式？ 今次分享吓3種最受歡迎嘅結婚戒指款式，俾大家參考： 1/ 幼身線戒 以幼身線戒作為結婚戒指可以話係最常見嘅做法（全圈線戒嘅英文Eternity Ring就係象徵二人之間永恆嘅愛），整隻鑲滿碎鑽嘅線戒亦可以加強訂婚戒指主石嘅閃爍。 2/ 簡約風 最近頗為流行簡約風飾品，亦有唔少人會將簡約風戒指用嚟喺婚禮上交換。另外，如果新郎新娘希望購買同款對戒嘅話，㨂選簡約風戒指亦會令新郎較容易搵到適合自己嘅戒指。 3/ 扭臂戒指 扭臂戒指特別適合希望展現個人風格嘅新娘，呢個款式亦都係變化靈活，用於日常場合都冇問題。但要注意嘅係視乎款式唔同，扭臂戒指未必可以用嚟同訂婚戒指一齊佩戴。 [...]
㨂選訂婚戒指當然係要適合自己風格同喜好，但係款式千變萬化，真係會有選擇困難症。有時參考下流行緊嘅款式睇吓啱唔啱自己，都係一個唔錯嘅選擇。 以下係3種2019年將會流行訂婚戒指款式： 1/ East-West 款 所謂East-West款嘅戒指會將鵝卵形、欖尖、祖母綠等等嘅主石打橫鑲嵌於戒指上，㨂選呢款絕對可以突顯個人風格。 2/ 鵝卵形主石款 鵝卵形主石嘅戒指都繼續會係流行款式，其中一個最有名嘅例子就係英國王妃Kate Middleton藍寶鵝卵形主石嘅戒指。 3/ 微鑲幼臂款 愈來愈多人會㨂選戒指臂較幼，並且臂上用微鑲鑲滿碎鑽嘅戒指款。幼身戒臂更能夠突出主石嘅閃爍，而且亦帶出較為年輕嘅氣質。 [...]
訂婚戒指有咁多款式，要㨂啱一款真心鍾意而又適合自己嘅，真係需要啲時間！ 以下係最近外國媒體選出嘅3款最受歡迎嘅戒指款式，睇下有冇隻啱你： 1/ 傳統四爪款 傳統清鑲嘅四爪款式依然頗受歡迎，鑲爪較少亦都令更多光線進入主石，增加閃爍效果。 2/ 鵝卵形藍寶石款 可以話係最能代表到英國皇室嘅款式，由英女皇嘅皇冠到訂婚戒指都有使用呢款。 3/ 墊形黃鑽款 可以話係歷史悠久嘅戒指款式，黃色亦幾適合春夏季節配搭。 立即點擊以下按鈕！索取MONI獨家優惠及最新消息。
訂婚戒指嘅款式可以話係五花八門，由主石切割到戒指款式都有非常多選擇。除咗鑽石之外，其實亦有好多人會㨂其他寶石作為戒指嘅主石。以下係3種最常見嘅： 1/ 海藍寶石 作為3月嘅誕生石，海藍寶石（Aquamarine）亦經常被用於訂婚戒指，其中一個原因大概係佢獨特嘅淺藍顏色。 2/ 紅寶石 主要產於緬甸、泰國同斯里蘭卡嘅紅寶石莫氏硬度達到9.0，僅次於硬度達到10嘅鑽石，所以適合日常佩戴。 3/ 藍寶石 用藍寶石作為訂婚戒指主石呢個做法甚至比鑽石更早出現，佢嘅莫氏硬度同紅寶石一樣都係9.0。
打開Instagram同Pinterest搜尋「Ring Stacking」，大家會發現堆疊戒指已經成為2018年其中一個首飾配搭潮流。但要將同時佩戴嘅幾隻戒指戴得好睇，有啲咩竅門呢？以下係其中3個例子： 1/ 營造焦點 準英國王妃Meghan Markle亦都係Ring Stacking嘅愛好者，而佢亦有獨特嘅堆疊戒指方法：食指、中指、無名指分別佩戴3隻戒指，而中指佩戴嘅就會係設計比較複雜，作為造型焦點。 2/ 善用幾何圖形 如果覺得第1種堆疊方式比較浮誇，可以㨂選使用相近或相同形狀嘅戒指（例如心形單頭石款配以心形全圈戒指），而且仲可以作為訂婚戒指嘅一種配搭方式。 3/ 開口戒指容易配搭 [...]
Cocktail即係雞尾酒，相信大家都知道（同飲過），但係Cocktail Ring你又知唔知係咩？ 所謂Cocktail Ring，係泛指一啲設計同用色比較大膽同浮誇嘅戒指，最早起源於1920年代嘅美國。 當時美國禁酒令生效，但仍然有好多人舉辦地下酒會，而參加酒會上嘅女性好多都會佩戴一啲誇張嘅飾品去表現個人風格，就係Cocktail Ring嘅來源。 以前Cocktail Ring往往代表飾品係手工唔好，同埋使用玻璃、水晶等品質較差嘅物料，但係嚟到依家，Cocktail Ring亦可以係時尚達人們整個造型嘅焦點，就好似今年時裝周上經常見到嘅Statement Earrings一樣。 立即點擊以下按鈕！索取MONI獨家優惠及最新消息。
早喺16世紀歐洲，將戒指戴喺大姆指係個身份象徵，只有地位高嘅人先有資格咁做。 嚟到依家，對於唔少人嚟講，姆指戒係個比較陌生嘅配搭方法，所以唔係咁容易駕馭到。 一齊睇下3個佩戴姆指戒嘅注意事項： 1/ 線條簡單 如果一開始嘗試戴姆指戒，可以㨂返線條比較簡單嘅戒指，會比較低調。 2/ 開口款式 開口戒指可以幫助拉長姆指線條，更適合手指較短嘅人。 3/ 混合配搭 呢個算係佩戴姆指戒嘅進階級，一般都會喺其他手指配搭唔同設計嘅戒指，例如鏤空款式配以粗身全圈。
之前介紹過誕生石嘅概念，而好多人都認為佩戴屬於自己出生月份或星座嘅誕生石係會帶嚟幸運。 除咗最常見嘅誕生石項錬之外，其實亦有設計可以將誕生石融入訂婚戒指之中，以下係其中3個例子： 1. 3石形 象徵過去、現在同未來嘅3石形戒指經常都會使用唔同嘅主石，而你可以視個人喜好將中間或者左右換成誕生石。 2. 開口戒指 除咗3石形，開口戒指亦係經常會使用1種以上主石嘅設計，比較適合出生月份有超過一顆誕生石嘅月份（例如六月）。 3. 配搭全圈戒指 如果以上兩款戒指都唔適合你，可以考慮以誕生石全圈戒指嚟配搭訂婚戒指。
雖然依家都仲係1月，但已經有人討論緊今年春夏季嘅珠寶潮流。一齊嚟睇吓其中一個會係咩？ 採用色調偏淺嘅黃鑽被認為係最適合春夏季佩戴嘅飾品，因為可以完美咁將夏日嘅太陽光折射，營造溫暖嘅色調。 除此之外，黃鑽亦非常配合今年同樣流行嘅Halo光環款，可以增強主石嘅閃爍程度之餘仲可以起到保護作用。
