訂婚戒指嘅款式可以話係五花八門，由主石切割到戒指款式都有非常多選擇。除咗鑽石之外，其實亦有好多人會㨂其他寶石作為戒指嘅主石。以下係3種最常見嘅：

1/ 海藍寶石
作為3月嘅誕生石，海藍寶石（Aquamarine）亦經常被用於訂婚戒指，其中一個原因大概係佢獨特嘅淺藍顏色。

2/ 紅寶石
主要產於緬甸、泰國同斯里蘭卡嘅紅寶石莫氏硬度達到9.0，僅次於硬度達到10嘅鑽石，所以適合日常佩戴。

3/ 藍寶石
用藍寶石作為訂婚戒指主石呢個做法甚至比鑽石更早出現，佢嘅莫氏硬度同紅寶石一樣都係9.0。