鍾楚紅表示自己崇尚自然環保的保養方式，除了堅持運動和優質睡眠外，挑選護膚品的要求是不要用動物做實驗，採用天然的草本成份。

 

鍾楚紅唔理皺紋拒打美容針：好驚變咗唔係自己個樣

鍾楚紅（紅姑）出席韓國護膚品牌概念店開幕禮，紅姑直言揀選護膚品的要求是不要用動物做實驗，採用天然的草本成份。問會否嘗試打醫學美容針？她說：「唔敢，變咗唔係自己個樣會好驚。（懶護膚？）你睇得出？鍾意自然，即係多皺紋？我冇理咁多，最重要係心態、生活態度，我太熱愛生活，花時間在其他地方，唔會注重塊面。」

紅姑覺得運動和睡眠好大幫助，即使沒充足睡眠也堅持運動，血氣循環好，人顯得光彩。紅姑會去行山，但未有機會相約同是喜愛行山的周潤發，皆因發哥太早出門。

之前說過聖誕想去耶路撒冷旅行拍攝，但有工作未能成事，聖誕前也會出埠旅行。那聖誕會否與男士約會？她笑說：「邊個敢dating我，又係Leo（緋聞助手）最抵得諗。（怕被影？）人哋唔驚我都驚，如唔係都講到係，去邊都走唔過你哋對眼。（今次去外地拍拖？）畀你哋猜測下。」談到恨不恨拍拖？紅姑反問看得出不恨拍拖嗎？並說：「冇（拍拖）咁樣都幾好，唔好勉強。」紅姑坦言不覺身邊有合眼緣的，若有大家也會影到，又笑指Leo也驚了，已沒那麼抵得諗。

 

資料來源：頭條日報