珍珠係其中一種歷史最悠久嘅寶石，但同時亦都係最為脆弱嘅一種，特別需要保養同小心對待。
今次分享下3個令大家嘅珍珠飾品壽命更長嘅方法：

1/ 用軟布擦拭
每次佩戴後，你都應該用軟布輕力擦拭珍珠飾品，抹走可能留喺珍珠表面嘅油脂或其他物質。

2/ 避免浸入水中
需要清潔嘅話，你可以用暖水浸濕嘅布嚟進行清潔。同時，應該避免將飾物完全浸入水中，特別係用絲線穿起嘅珍珠項錬，因為會令絲線弱化而容易斷開。

3/ 乾透先進行收納
清潔後，應該確定飾品完全乾晒先好收入首飾盒或袋中。