買咗件心愛嘅首飾，唔止要戴住周圍去，另一個重要環節就當然係要影靚相po social media。
今次分享下一啲簡單嘅飾物攝影tips：
1/ 背景
啱啱開始嘗試拍攝嘅時候，可以用一張比較厚嘅白色硬身卡紙作為背景。當然比較進階嘅話，可以試下配合返個飾物色調嘅背景，光面嘅紙板甚至係淨色床單之類嘅紡織物都適合作為背景。
2/ 自然光線
要達到最理想效果嘅話，有輕微嘅陰影可以更好咁襯托飾物。自然光係最適合拍攝首飾，當然亦可以透過柔光燈或反光板嚟營造較柔和嘅光線。喺室內拍攝時條件允許嘅話，可以利用混合光源，效果會更好。
3/ 注意反光
飾物嘅金屬表面非常容易反光，可能會將背景甚至用嚟拍攝嘅相機、手機都影入飾物嘅金屬面之中。進行對焦時，要檢查清楚，或者嘗試於構圖時儘量拎走多餘物品。