相信任何會佩戴飾物嘅人都一定唔想見到佢哋出現任何損壞，而平時嘅佩戴習慣都會好影響到飾物嘅壽命。
今次分享下避免飾物主石出現損壞嘅3個方法：

1/ 選擇特定設計
有一啲特定設計嘅飾物，某程度上可以起到保護主石嘅作用。舉例嚟講，光環設計嘅戒指因為喺主石外圍額外多鑲一圈石，因此可以保護主石。

2/ 適當時候除低飾物
有時候日常佩戴時出現碰撞，主石就有可能出現裂紋，久而久之甚至會因為咁而出現崩口，所以一般嚟講，如果飾物有可能遇到碰撞，就應該除低。例如係做運動、家務或者進行水上活動時，就應該先除低所有飾物。

3/ 定期檢查
定期清潔飾物時，都可以檢查一下佢哋有冇出現問題，例如可以將飾物放喺耳邊輕輕搖動，如果聽到聲音就表示主石嘅鑲嵌可能出現鬆脫，要儘快搵工匠保養；亦可以用放大鏡睇睇主石表面有冇出現唔正常嘅紋理，有機會係因為碰撞而出現嘅裂紋。

立即點擊以下按鈕！
索取MONI獨家優惠及最新消息。