一隻訂婚戒指要考慮好多唔同因素：寶石種類、使用金屬、主石鑲法同切割等等。但係如果希望為自己嘅訂婚戒指加入個人元素，又可以喺邊度落手呢？
今次分享下3個可以加入隱藏細節嘅位置：

1/ 刻紋/刻字
訂婚戒指最常見嘅個人細節就係喺戒臂加上刻紋或者刻字，可以係兩個人嘅生日、記念日或者有意義嘅語句。

2/ 隱藏鑲石
有啲人會選擇鑲嵌一粒額外嘅隱藏鑲石喺戒指嘅內圈，或者喺鑲座嘅底部。

3/ 鑲座下嘅花紋
承托住主石嘅鑲座本身都係一個加入隱藏細節嘅理想位置，例如係以鏤空嘅心形圍住鑲座。