2018年嘅珠寶潮流似乎仍然會係設計大膽嘅Statement Jewellery為主，但呢啲款式比較誇張嘅飾品有時都唔係適合每個人同每個場合。
其實有種風格嘅珠寶同Statement Jewellery可以話係完全相反，而且更適合日常佩戴，就係極簡風格Minimalist。
呢種風格嘅珠寶通常會重視線條同幾何圖形，用色上亦多數會只用一隻金屬（例如鉑金或玫瑰金），而且開口戒指同手鐲都經常被用於極簡風格嘅飾品。至於極簡風格嘅項錬，通常會用較幼嘅錬配以尺寸較少嘅吊墜。
如果你想選擇呢個風格嘅飾品，記得整個裝扮只需要1-2款飾品，以避免造形失去焦點。