天氣開始轉涼嘅時候，大家都會著更多衫保暖，似乎唔係諗配搭咩飾品嘅時候。但其實只要㨂選合適嘅飾品類型，一樣可以閃住咁出門！
以下係3種適合冬天佩戴嘅飾品：

1/ 耳釘
垂吊式耳環唔太適合冬天佩戴，因為好容易被衫領或者頸巾卡到。所以單顆石嘅耳釘就會比較適合冬天佩戴。

2/ 全圈戒指
冬天大家通常都會著大褸，要除下時如果戴住單頭石戒指或者鑲爪比較突出嘅戒指，就好容易會勾到衫。因此可以選擇比較扁身嘅全圈戒指。

3/ 貼手手鏈
一般冬季都比較少人佩戴手鏈（因為容易被衫袖遮住），但如果你想戴手鏈嘅話，可以㨂比較短同貼手嘅尺寸，即使著住大褸都唔會遮住。