有留意開訂婚戒指同珠寶嘅朋友，相信都會知道咩係Eternity Ring 全圈戒指。無論係單隻佩戴定係用嚟襯托其他戒指，Eternity Ring嘅出場率都係非常高。
以下係全圈戒指人氣高企嘅幾個原因：

1/ 背後意義
全圈戒指嘅英文Eternity嘅由來，係以成個圈鑲滿寶石嚟比喻永恆嘅愛（Eternal Love），亦因為呢個浪漫嘅典故，好多人都會將全圈戒指用作紀念日嘅禮物。

2/ 取代訂婚戒指
其實有唔少名人（包括宋慧喬）都直接用全圈戒指當係訂婚戒指，經過媒體報導之後亦多咗人效法。

3/ 比一般戒指閃爍
由於全圈都鑲嵌咗寶石，全圈戒指閃爍嘅程度一般都會勁過單頭石戒指。

4/ 選擇更多
無論係金屬、鑲法、風格，全圈戒指都愈來愈多選擇，亦適合更多唔同人佩戴。