嚟緊就有4日長假，除咗出街玩之外可能有唔少人會選擇請一班朋友嚟屋企，一齊慶祝聖誕節。
有冇諗過可以用啲珠寶裝飾屋企？一齊睇吓呢幾個例子：

1/ 如果有啲唔會再戴嘅耳環，可以將耳針拆除，用嚟裝飾相框。

2/ 有啲人屋企可能會有用拉繩開關嘅燈，而呢啲拉繩嘅款式一般都比較普通。你可以用舊項錬嚟駁喺拉繩之後作為裝飾，不過最好以工業用膠水黏合，如果唔係可能會好易甩。

3/ 珍珠亦可以用嚟做裝飾品，例如用嚟圍著花瓶。只係你可能需要自行將珍珠重新串起，因為項錬尺寸本身未必適合花瓶。