爪鑲可以話係最為常見嘅戒指鑲法，亦都可以話係其中一種最為安全嘅鑲法，可以有效咁保護到主石。但係任何鑲法都有鬆脫嘅風險，最好都係定期檢查一下，以下係其中3個方法：

1/ 你可以用10倍放大鏡嚟檢查戒指，留意鑲爪同主石之間有冇唔尋常嘅空隙。

2/ 除咗放大鏡之外，你亦可以輕輕敲打主石，如果出現任何奇怪嘅聲音，就係主石鬆脫嘅徵兆。

3/ 同第二個方法原理一樣，如果輕力搖動戒指會出現響聲，就應該儘快將戒指交俾珠寶技師檢查。