轉季嘅時候，相信大家都有唔少嘢需要注意：保養肌膚、準備冬季服飾等等。但係關於保養首飾，你又知唔知有咩要注意？以下係其中3個秘訣：

1/ 留意戒指尺寸
來到冬天，有啲人可能會發現本來啱戴嘅戒指會突然變鬆，係因為手指會隨著天氣轉冷而收縮。所以出門前最好先確定一下手指尺寸，以免整唔見。

2/ 小心穿著嘅衣物
冷衫係好多人冬季嘅必備單品，但係佩戴戒指時就要小心卡到飾物，導致甩石。

3/ 護膚品
建議大家避免戴住戒指項錬等飾品來搽護膚品，因為含有嘅化學成分可能會損害飾品嘅鍍膜。