對於一段關係嚟講，兩個人於婚禮上交換嘅結婚戒指當然係非常重要。只係除咗款式外，有冇諗過仲有其他方法可以喺婚戒上展現個人風格？

1/ 刻上名字

相信呢個選項係最常見同流行，你可以選擇刻上兩人嘅全名或者名字縮寫，令戒指帶有個人特色，同時亦唔會太複雜。

2/ 記下特別日子

除咗刻上名字之外，亦都有人會選擇喺戒指刻上某個特別日期，例如係求婚當日，或者相識紀念日。

3/ 寫上名言

每段關係中都會有一啲只有兩個人先明白嘅說話或者名言。將呢啲句子刻喺戒指內都係個加入個人特色嘅好選擇。