一場婚禮有好多唔同嘢需要籌備，而其中㨂選婚禮上要穿戴嘅珠寶相信都要花費唔少時間。今次就嚟睇吓幾個有關婚禮珠寶嘅守則：
1/ 唔洗戴錶
守時當然係好，但係到咗一生人一次嘅大日子，就大可以放低腕錶，以手鐲或者手鏈代替。

2/ 避免過度穿搭
一般嚟講，珠寶襯搭只需要1-2個焦點，不宜太多，否則會令人嘅目光無所適從。你可以準備1件主石較突出嘅首飾，再以其他作為點綴。

3/ 融入心儀色系
依家嘅婚禮珠寶款式愈來愈多，絕對唔需要局限於銀色戒圈配白色主石，可以按照喜好採用唔同色系。

4/ 保持個人風格
最重要嘅守則：唔好盲目跟隨潮流，一定要保持自己嘅個人風格，始終婚禮係屬於自己嘅。