愈嚟愈多人追求一隻獨一無二嘅訂婚戒指，唔單止係要作為一段關係嘅象徵，仲要表達個人風格。
亦因為咁，唔少人會選擇鑽石以外嘅寶石嚟做戒指嘅主石，珍珠就係其中一個選擇，但係究竟係咪適合呢？



1. 保養
珍珠絕對係其中一種最需要妥善保養嘅寶石，如果要用作訂婚戒指，必須要留意日常佩戴習慣，進行激烈運動、游水或出入廚房嘅時候尤其要除低戒指。

2. 設計
要採用珍珠作為戒指主石嘅話，設計上都會有啲限制，例如普遍都會有碎石圍住珍珠（作為保護）。

3. 氣質
珍珠一直都係尊貴同氣質嘅代名詞，用以做訂婚戒指確實可以突顯佩戴者嘅個人風格，只係需要有妥善保護戒指嘅準備，而且需要經常除低戒指。