耳環對於唔少人嚟講都係每日出門嘅必備單品，而且大家往往都會有相當多唔同嘅耳環款式，以對應唔同場合或者風格。

隨著耳環愈來愈多，收納都係個課題：大多數耳環體積都較細，更需要1對對咁存放。
一齊嚟睇吓收納耳環嘅4個方法：

1. 鈕扣 


用1粒鈕扣將1對耳環穿起，以避免唔見其中一隻。呢個方法會較適合耳釘款式。

2. 藥丸盒


你可以用藥丸盒收藏體積比較小嘅耳環（當然都可先用鈕扣將每對穿起）。

3. 絲帶

你可以用一條較厚身嘅長絲帶（例如係羅緞），並將耳環釘喺上面。完成後，可以將絲帶掛起或者放喺首飾箱內。

4. 按照顏色及款式

一般而言，按照耳環顏色及款式收納會比較方便，尤其係喺進行配搭嘅時候。