相信大家都希望自己心愛嘅首飾可以歷久常新，而收藏首飾嘅方法就好能夠影響一件飾品嘅耐久度。今次就一齊嚟睇睇有咩收納方式可以首飾更耐用：



1. 將鑽石分開收藏

作為最堅硬嘅寶石，鑽石最好同其他首飾分開放置，否則好容易出現刮花同崩裂。



2. 珍珠要避開塑膠製品

儘量唔好用膠袋存放珍珠，除咗容易令珍珠出現裂痕外，塑膠製品中嘅成分更會令珍珠變得脆弱。



3. 用抹銀布包覆銀器

同珍珠相反，銀器應該儘量避免接觸空氣，因為容易出現氧化現象。存放銀器時，你可以先用抹銀布包住。


4. 存放於穩定溫度及乾燥環境

過於潮濕嘅環境對任何首飾而言都唔太理想，所以最好都係避免喺浴室或者閣樓等地方收藏首飾。