好多人都會認為只得1隻訂婚戒指唔太足夠，所以一般都會㨂多約1-2隻結婚線戒（稱為Wedding Band）。一齊嚟睇吓㨂選結婚線戒有咩秘訣：

1. 與訂婚戒指相同材質 

如果訂婚戒指係鉑金，結婚線戒㨂返同一樣材質不僅形成配搭效果，時間一長兩者嘅耗損程度都差唔多。

2. 喺同一家店鋪／設計師購買兩種戒指
相信唔少店鋪都會售賣款式互相搭配嘅訂婚戒指同結婚線戒，要配搭款式就會比較方便。

3. 避免過份誇張
結婚線戒一般都係套裝中嘅陪襯，所以你應該避免㨂選款式過份誇張或者寶石太多嘅線戒款式。

4. 類似設計

訂婚戒指同結婚線戒唔一定要完全相襯，但係仍應該有類似設計（例如同樣係復古風、同樣切割或者刻紋）。

5. 唔一定要配合另一半

你自己嘅戒指套裝並不一定要配搭另一半嘅戒指，就連使用金屬都唔需要使用同款。