1件美麗嘅首飾除咗可以戴住周圍去之外，亦都可以成為社交媒體上嘅焦點。一齊睇吓有咩攝影技巧，可以令你心愛嘅首飾更加奪目：

1. 背景
對於攝影初學者嚟講，一張較厚嘅白色卡紙做背景都已足夠影出唔錯嘅效果。當然較進階嘅話，可以試用色調配合首飾本身。

2. 自然光線
清早或者午後嘅自然光線最適合拍攝首飾，你亦可以透過打燈或反光板營造較柔和嘅光線。要達到最理想效果嘅話，有輕微陰影就更能襯托首飾。

3. 佩戴攝影
由模特兒佩戴首飾攝影效果會較好，因為可以展示主石嘅大小、項鍊長度等比例，而且首飾可以同人嘅膚色映襯，營造特別效果。

4. 注意反光
首飾非常容易反光，亦表示可能會將不必要嘅背景都收入相片中。在對焦時，要檢查清楚，或者嘗試於構圖時清走多餘物品。