對於唔少人嚟講，項鍊可以話係成個造型中不可或缺嘅一部分。但係你又知唔知唔同長度嘅項鍊適合咩時候佩戴？

1. 鎖骨鏈（14-16吋）
鎖骨鏈好似一個項圈咁環繞頸根部位置，對於身型較嬌小嘅女士，就可能會去到接近鎖骨位置。呢種長度嘅項鏈可以話係最百搭，任何場合都適合佩戴。

2. 公主型項錬（17-19吋）
呢個長度嘅項錬可以話係最流行嘅尺寸，下垂點通常位於喉嚨下方，所以就好適合deep v領口。

3. 馬天尼型項錬（20-24吋）
馬天尼型項錬屬於中長款，下垂點位於鎖骨下方，胸部上方嘅位置。佢較適合頸部較短嘅人士，可以達致修飾頸部線條同拉長身材嘅效果。

4. 歌劇型項錬（28-34吋）
歌劇型項錬下垂點普遍會低於胸部，適合用來同其他較短嘅項鍊配搭，營造層次感。