耳環係唔少人出門必備嘅飾物，但你又知唔知戴耳環嘅意義同起源係咩？

喺古時，唔同國家嘅人都有佩戴耳環嘅習俗，但係意義就好唔同。
例如喺古埃及，佩戴耳環係一種高人一等嘅象徵，但去到古羅馬同古時中國，卻只有奴隸、妓女或者身分卑賤者先會佩戴耳環。又有一種講法話，以前嘅水手好多都會佩戴耳環，係因為萬一發生船難時，其他人可以用佢地佩戴住嘅金銀珠寶嚟好好安葬自己。

嚟到現代，耳環已經成為男男女女嘅時尚飾品，亦有人認為男性只喺右邊佩戴耳環係同性戀嘅象徵。