我地成日聽到「鑽石恆久遠 一顆永留傳」，但你又知唔知原來珍珠先係歷史最悠久嘅寶石？

遠至古羅馬同古埃及都已經有關於珍珠嘅描述，喺英國甚至曾經有一段時間將珍珠規定為只有皇室成員先可以佩戴嘅身份象徵。

除此之外，珍珠仲有一項獨特之處：無需好似其他寶石咁要經過開採同切割，可以話係最能展現自然界美麗嘅寶石。