一對配襯得好嘅耳環可以為你嘅成個造型加分，但係唔同嘅臉型應該㨂咩款式嘅耳環？一齊嚟睇下啲簡單嘅要訣啦！

圓臉

臉型偏圓嘅話，可以選擇長形或者流蘇形嘅耳環，可以中和臉部線條，令臉部顯得更為修長。

長臉

臉型偏長嘅話，就應該避免長條、梨形、三角形等比較修長嘅耳環，反而選擇圓形嘅耳環可以令臉型睇落無咁長。

方臉

臉部屬於方型嘅話，一定要注意：耳環嘅末端唔應該喺下頜骨嘅同一水平，因為咁樣會令人嘅視線聚焦喺下頜最闊嘅位置，而令臉型顯得更方。長形同圓形嘅耳環就可以令臉型線條更柔和。