珍珠、珊瑚及琥珀3者並稱為有機寶石，喺護理方面比起其他寶石更花工夫。今日就嚟學下保養珍珠有啲乜嘢祕技？

清潔及存放

由於珍珠較為脆弱，唔適合用超聲波清洗機或者首飾清潔劑去清潔。應該用珍珠擦布去抹乾淨，再放入首飾盒。另外，應該將珍珠首飾單獨存放，以避免與硬物磨擦。

避免接觸化學成分

你應該喺完成穿戴嘅所有步驟後先配戴珍珠首飾，以避免接觸到香水、噴髮膠或者化妝品等等物質。

佩戴習慣

雖然經常佩戴珍珠首飾能夠幫助珍珠保持光澤（人體自然產生嘅油脂能夠避免令珍珠避免變得暗啞），但游水、沖涼、下廚時都最好避免佩戴珍珠首飾，因為珍珠表面有微細嘅氣孔，較易受環境因素及油煙影響。