好多人對於戒指嘅主石卡數都可能只有一個約莫嘅概念，睇到戒指實物嘅時候往往都會覺得「點解咁大嘅」。

一隻戒指嘅主石卡數其實會受好多唔同因素影響，例如切割、鑲嵌、主石嘅品質以及戒指本身嘅款式。佩戴者嘅手指及手掌比例大小甚至佩戴邊隻手指都會影響戒指同主石嘅整體外觀。

一般情況而言，普遍嘅訂婚戒指主石卡數平均係0.9卡，而客人往往會覺得2.5卡至3卡主石嘅戒指太大。