挑選訂婚戒指嘅時候，喺價錢同美觀度之間攞到一個完美嘅平衡係一門高深嘅學問。有咩秘密嘅方法可以令戒指顯得更加名貴？

卡數

眾所周知，一顆大卡數嘅鑽石當然會令你嘅訂婚戒指顯得更名貴。但㨂選主石時，將卡數稍微降低（例如想要1卡嘅話，選擇一顆90幾份嘅）係一個節省預算嘅好方法，因為肉眼上係分別唔到。

切割

訂造戒指嘅時候，可以將主石嘅切割方法放喺首位，然後喺其他方面嘗試節省預算。喺鑽石嘅4C入面，切割（Cutting）絕對係最重要嘅因素，會直接影響鑽石嘅閃爍度同火彩。