相信有留意開我地Facebook專頁嘅朋友成日都會見到兩個英文單詞：「Eternity Ring」。Eternity Ring泛指任何全圈鑲碎鑽嘅戒指，如果只有半圈鑲石則會稱為「Half Eternity Ring」。原來最早於4千幾年前嘅古埃及，就已經有記載人們佩戴全圈戒指嚟象徵永恆不變嘅愛同生命。至於近代嘅全圈戒指就喺約18世紀由鑽石商De Beers最先製造，當時主要使用白托帕石或者仿真寶石鑲嵌。
跟據外國傳統，當一段婚姻去到特定數目嘅週年紀念日（例如40週年）或者當夫妻嘅第一個小朋友出生，都會以全圈戒指來紀念。