結婚係兩個人嘅終生大事，唔少人都會精心挑選訂婚戒指，賦與呢一段愛情獨特嘅意義。除咗最傳統嘅單石款式之外，3石式戒指亦係相當受歡迎嘅訂婚戒指款式。
但係，你又知唔知3石式戒指背後有咩含義？
原來3石戒指嘅3粒主石有兩種意思：3粒寶石分別代表兩人之間嘅過去、現在同未來，較大嘅主石代表兩人嘅「現在」，寓意活在當下；同時又象徵住一段關係裡面包含友情、愛情以及忠貞。
真係幾難想像，一隻小小嘅戒指寓意竟然咁深遠。