作為職場上嘅女性，適當咁佩戴首飾可以幫你提升個人形象，但係箇中嘅兩大法則你又知唔知？一齊嚟睇睇：

1.飾物切忌晃動

準備返工佩戴嘅飾物時，切忌㨂選會晃動嘅款式，例如垂墜耳環、流蘇頸鍊等。呢啲款式容易引人注意，與人溝通時有機會令對方分心。各位女士可以準備一至兩套能夠配搭任何返工服裝嘅「百搭」首飾，以設計簡單同高質感嘅款式為佳。

2.控制飾物數量

佩戴飾物就好似為自己增添「亮點」一樣。但係萬一飾物數量控制不當，就會給予人眼花撩亂嘅感覺。一般辦公室場合，「亮點」維持喺3個左右就最適合，例如耳環＋戒指＋手錶。